Наследниот карцином на дојка и јајниците е поврзан со појава на мутации во BRCA1 и BRCA2 гените. Специфично наследените мутации во BRCA1 и BRCA2 гените го зголемуваат ризикот за појава на рак на дојка и кај двата пола (жени и мажи), рак на јајниците (вклучувајќи рак на фалопиевите туби и примарни перитонеални карциноми) и во помала мера други видови на рак, како што е рак на простата, рак на панкреасот и меланом, првенствено кај индивидуи со BRCA2 патогена варијанта. Ризикот од развој и појава на канцер варира во зависност од тоа дали истиот е предизвикан од BRCA1 или BRCA2 патогена варијанта. Карциномите на дојка и јајници кои се асоцирани со мутации во овие гени имаат тенденција за појава во помлада возраст споредено со карциномите кои не се со наследна историја.
Mолекуларниот тест за овозможува детекција на седум мутации на BRCA1 генот (185delAG, 4153delA, 5382insC, 3819delGTAAA, 3875delGTCT , 300 T>G (Cys61Gly) и 2080delA) и една мутација на BRCA2 генот (6174delT). Овој тест овозможува навремено откривање на причинителот за појава на карцином на дојка и јајници и благоврмено следење на здравствената состојба кај тестираната индивидуа.
Сите пациенти кои имаат фамилијарна историја за појава на болеста, жени над 50 годишна возраст, историја на абнормални биопсии на дојките со хистопатолошки наод кој наведува на појава на малигнитет, потоа појава на прва менструација пред 12 години или навлегување во менопаузален период по 55та година во животот, пациенти кои немале деца или првото дете го добиле по 35та година во животот, изложеност на радијација, користење на постменопаузална хормонска заменска терапија, се советуваат да го направат овој тест за навремена превенција и откривање на болеста.
Примерок за анализа:периферна крв.

Време на издавање на резултат: 24 часа