Не-инвазивна метода на детекција базирана на фетален генетски материјал во мајчина крв Брза детекција изработена со Real time PCR метода Ниво на точност на детекција од 96-100%.
Fetal gender претставува генетски тест на принцип на Multiplex Real time PCR метода кој нуди детекција на пол на фетус во текот на првиот – почетокот на вториот триместар од бременоста.
Рано одредување на полот на фетусот може да помогне во навремена детекција на полово наследни болести на фетус каде има присуство на семејна историја на болести поврзани со Х хромозомот, и овозможува избор за прекин на бременоста во случаи каде има индикации од медицински причини.
Зошто Fetal gender?
Традиционално, феталниот генетски материјал за генетско тестирање на фетусот се добива со инвазивни техники кои носат ризик од околу 2-3% за спонтан абортус. Откривањето на cell-free фетална ДНК и РНК во мајчината крв нуди нов извор на фетален генетски материјал за неинвазивна пренатална дијагноза. Ваквата нова техника е безбедна за бременоста во споредба со алтернативните методи.
Количеството на фетална ДНК во крвта на мајката се зголемува со зголемување на гестациска возраст и зависи од состојбата на плацентата и карактеристиките на текот на бременоста.
Од 8-10 гестациска недела, методата овозможува да се постигне ниво на точност од 96-100%.
Китот е наменет за детекција на cell-free фетална ДНК, која потекнува од мулти-копирани фрагменти од Y хромозом, во крвта на бремени жени со методот на PCR во реално време. Избраниот целен фрагмент на ДНК е строго специфичен за Y хромозомот.
Примерок за анализа: периферна венска крв.

Време на издавање на резултат: 48-72 часа