За тестот: Прогестеронот е стероиден хормон кој за време на менструалниот циклус се лачи од жолтото тело, а во бременоста од плацентата.

За време на менструалниот циклус неговата концентрација варира во зависност од фазата на циклусот.

Прогестеронот се одредува за проценка на причината за неплодност кај жените, проценка на овулација, проценка на здравјето на плацентата кај високо ризични бремености, проценка на абнормалните вагинални крвавења и пратење на заменска терапија со прогестерон.

Најчесто се одредува заедно со LH, FSH, тестостерон и естрадиол.

Примерок: Венска крв.

Подготовка: Претходна подготовка не е потребна, пожелно е примерокот да не се зема веднаш по оброк.

Метод: ELFA/CLIA

Резултат: 24 часа.