За тестот: Натриум е електролит кој е неопходен за нормално функционирање на телото, а особено за нормално функционирање на нервите и мускулите. Натриумот заедно со другите електролити (хлориди, калиум и бикарбонати) учествува во регулирањето на ацидо – базниот статус и балансот на водата во организмот.

Натриумот се одредува кај лица кои прават рутински лекарски преглед (кога се одредува заедно со хлориди, калиум и бикарбонати), кај лица кои имаат симптоми на недостаток на течност – дехидрација (поради повраќање, дијареа, зголемено потење или зголемено мокрење), симптоми на вишок течност (големи отоци поради болести на срцето, бубрезите, црниот дроб, надбубрежната жлезда и сл.), како и кај лица кои имаат проблеми со крвниот притисок.

Потребен материјал: Венска крв. Урина (единечен примерок, 24 часовна урина).

Подготовка: Примерокот се зема наутро после 10 – 12 часовно гладување.

24 часовна урина – Види – “Подготовка на пациентот за правилно земање на примерок”.

Метод: ISE

Резултат: Истиот ден.