За тестот: Адреналин, норадреналин и допамин (катехоламини) се важни невротрансмитери во централниот нервен систем, но имаат и клучна улога во регулација на многу физиолошки функции како што е регулација на мускулниот тонус на мазните мускули на крвните садови, цревата и бронхите, регулација на срцевата фрекфенција и контрактилност и регулација на метаболизмот на глукозата. Производ на нивниот метаболизам се метанефрин, норметанефрин и 3-метокси тирамин, додека метанефринот и норметанефринот понатаму се метаболизираат во ванилманделична киселина.

Се одредуваат кај луѓе кои имаат постојана или епизодична хипертензија со тешки главоболки, тахикардија и потење, за да се исклучи или потврди дијагноза на феохромоцитом (тумор во медулата на надбубрежната жлезда) или невроендокрини тумори.

Примерок: 24 часовна урина.

Подготовка: Види – “Подготовка на пациентот за правилно земање на примерок”.

Метод: IH, PHO

Резултат: 4-5 работни дена.