За тестот: HCG е хормон кој во бременоста се создава од постелката. Стимулира создавање на прогестерон за да се одржи бременоста.

Се одредува како тест за бременост, но може да укаже и на патолошка бременост и можен абортус. Нивото на хормонот расте во првиот триместар. Обично, вредностите во првите 8 недели се дуплираат на секои 48 часа, па со тоа сериското одредување на овој параметар е значајно за следење на бременоста.

Може да се одредува и како тумор маркер, кај пациенти со различни типови на гестациони трофобластни болести и тумори на герминативните клетки кои создаваат HCG.

Примерок: Венска крв.

Подготовка: Претходна подготовка не е потребна, пожелно е примерокот да не се зема веднаш по оброк.

Метод: ELFA/CLIA

Резултат: 24 часа.