За тестот: АМН е хормон кој го создаваат репродуктивните ткива, тестиси и јајници. Улогата на AMH како и неговата вредност варираат во зависност од пол и возраст.

AMH е значаен тест кој се одредува при проценка на оваријална резерва, проценка при инфертилитет и протокол за in vitro оплодување, проценка на статус на менопауза, скриниг за синдром на полицистични јајници, кај мажи со цел за дијагноза на сексуални аномалии, како и кај неспуштени тестиси, проценка на функцијата на тестисите кај новороденчиња и деца и пациенти со гранулоза тумори на јајник кои лачат AMH.

Покачени вредности има кај жени кои имаат синдром на полицистични јајници.

Намалени вредности укажуваат на мал број јајце клетки, мала оваријална резерва и со тоа помала веројатност за бременост.

Примерок: Венска крв.

Подготовка: Претходна подготовка не е потребна, пожелно е примерокот да не се зема веднаш по оброк.

Метод: ELFA/CLIA

Резултат: 24 часа.