Во сегашната акушерска пракса, често е неопходно да се изврши генетско тестирање на фетусот за време на раната бременост. Традиционално, феталниот генетски материјал се добива со инвазивни техники, но тие носат ризик од спонтан абортус околу 2-3%.

Откривањето на фетална ДНК и РНК во мајчината крв понуди нов извор на фетален генетски материјал за неинвазивна пренатална дијагноза. Бидејќи материјал за истражувањето е мајчината крв, овие нови техники се безбедни за бременоста во споредба со претходните методи. Бројот на фетална ДНК во крвта на мајката се зголемува со зголемувањето на гестациската возраст и зависи од состојбата на плацентата и карактеристиките на текот на бременоста.

Почнувајќи од 8-10 гестациска недела, методите на неинвазивно пренатално генетско тестирање овозможуваат да се постигне ниво на точност од 96-100%.

Сите Rh-бремени жени поминуваат динамична контрола на нивото на антитела на феталниот Д-антиген. Отсуството на антитела не може да гарантира дека и фетусот е Rh- бидејќи производството на мајчините антитела може да биде инхибирана поради интегритетот на плацентата или потиснат имунолошки одговор. Ризикот од спонтан развој на Rh болест останува под дадени околности. Покрај тоа, мајката ќе биде сензибилизирана во текот на породувањето.

Rh факторот или уште познат како Резус фактор е протеинска молекула која се наоѓа на површината на еритроцитите. Доколку овој протеин е присутен тогаш станува збор за Rh + фактор (Rh позитивен) индивидуа а доколку е отсустен тогаш станува збор за Rh- негативна индивидуа. Проблеми при бременост настануваат доколку мајката е со Rh- фактор а плодот е Rh+фактор. При ваква состојба во мајката се продуцираат антитела (anti Rh-антитела) кои крвта на плодот ја препознаваат како туѓа и лесно преминуваат преку плацентата што доведува до спонтани аботуси и уништување на плодот, појава на хемолитички заболувања на плодот и обилни крварења. Обично оваа состојба настанува после првата бременост со Rh+ плод.

Генотипизација на RHD генот со екстракција на фетална ДНК од мајчината крв се врши преку тестот за рано откривање на Rh факторот на плодот. На тој начин се спречува ризикот од појава на хемолитички болести кај плодот и ризикот од предвремено породување и спонтан абортус. Ризикот за појава на овие состојби се зголемува со секоја следна бременост со Rh+ фетус.

Fetal RHD Genotyping е неинвазивен пренатален генетски тест наменет за детекција на RHD ген на фетусот базирана на специфична детекција на два егзони од RHD  генот (егзон 7 и егзон 10) во крвта на Rh негативна мајка.

Овој тест е наменет за сите Rh негативни мајки, со превентивен карактер и навремено реагирање со соодветен фармацевтски агенс после прва бременост со Rh позитивно бебенце.

Примерок за анализа: периферна венска крв.

Време на издавање на резултат: 48-72 часа